the world from behind her camera
Litratong Pinoy
LP 178 Advent (Pagdating NYA)
Nov 30th
Unang araw ng Disyembre na. Disyembre na! Parang kanina lang ay kasisimula lamang ng buwan ng Enero 2011, ngayon ay sa loob lamang ng ilang linggo ay matatapos na ito…bakit naman ang bilis ng pagtakbo ng panahon?!
Marami sa atin lalo na ang mga bata ay ‘excited’ sa pagtapak ng Disyembre dahil Pasko na! Sa pananaw ng isang bata ay panahon ito ng masasayang pangyayari lalo na ang araw na sila ay mabibiyayaan ng mga regalo ng kanilang mga magulang. Napakasaya nga naman, Sa ating nakatatanda, atin (pa) ba’ng ikina i-excite ang pagdating ng buwan na ito? Atin pa rin ba’ng inaalala ang tunay na kahulugan ng buwan na ito?
Hindi ako isang preacher upang mangaral sa ating mga nakatatanda na. Bagkus ay kagaya ng nakararami, minsan ay nakakalimot din ako kung ano ang tunay na kahulugan ng Kanyang Pagdating. Pero ito ang alam ko. Ibinigay ng Diyos ang Kanyang anak upang bayaran ang akin at iyong mga kasalanan. Isang uri ng pagmamahal na hindi nagbabago dahil tayo ay ‘nakakalimot’ o kahit ang marami sa atin ay hindi ibinubukas ang kanilang mga pinto (puso) para papasukin ang Dumating. Huwag lang sana tayong maghintay ng matagal na panahon na gawin ito. Iyong ibinubukas ang pinto kapag may kumakatok sa kabilang panig nito, hindi ba? Andyan na Sya, kumakatok….iyo sanang pagbuksan.
Note: ang larawan ay isa lamang representasyon, akin pong sariling interpretasyon ng temang ito. Si Hesus na aking tinaggap bilang aking Lord at Saviour ay nasa aking puso, wala siya sa ano mang gawa sa kamay na aking nakikita sa aking paligid.
Magandang araw ng PAGDATING sa inyong lahat!
Happy LP 
Pa autograph naman, please? (L.P 177: sulat-kamay)
Nov 23rd
Regalo ng aking esposo noong aking nakaraang kaarawan (Aug. 2011) ay ang ma-experience ang seminar ni Scott Kelby! Siyempre pa ako ay hindi magkamayaw sa tuwa sa dahilang may photoshop man ako sa aking laptop ay hindi ko ito nagagamit ng husto. Puro watermarking at resizing lang ang alam kong gawin dito. Sa ngayon ay yan pa rin ang aking nalalaman, ha ha ha! Oras at oras at oras ang kailangan upang magamit ito ng husto. Wala ako nito. :/
Balikan ko lamang ang aking isinusulat bago ako maligaw at kung ano pa ang maikwento ko….ito ang sulat kamay ni Scott Kelby (ay! hindi mo kilala? paki google mo 
) Napakabait ng mamang ito! habang break sa kanyang seminar ay hindi sya lumabas para magkape man lang kung hindi ay inimbitahan niya ang mga naroon na kung may katanungan sila ay lumapit lamang at kanyang sasagutin ang mga ito sa abot ng kanyang makakaya. Syempre pa, isa ako sa lumapit. Nagtanong, nagpakuha ng litrato at nagpa-autograph
Scott Kelby, you da man!
Munting basahan (LP 176: basahan o pamunas)
Nov 16th
Join us at Litratong Pinoy .Com
Mumunting pamunas o basahan. Ating ginagamit sa ating mga gamit sa potograpiya. Dahilan sa sensitibo ang mga parteng kagaya ng mga lente at sensors nito ay kinakailangan espesyal na pamunas ang ating gamitin upang sila ay linisin. Hindi maaaring basta-bastang pamunas ang iyong ikikiskis sa iyong lente/sensor kung hindi ay ‘kiss your gadget goodbye’ dahil tiyak ito ay magkakaroon ng mga gasgas!
May kamahalan ang mga basahan na ito pero kailangan ng pag-iingat sa mga gamit na hindi naman mumurahin at madaling palitan. Ano say mo? 
Magandang araw ng Litratong Pinoy sa inoyng lahat!
Pagulong-gulong na mga gulong! (LP 175: Gulong /wheels)
Nov 9th
*iClick mo lang para makita mo ang mas malaki na larawan*
Ilang gulong ang nakikita mo sa larawan na ito? 4? 8? 10? Naka highlight ang mga gulong kaya madali naman malaman kung ilan, hindi po ba?
Hmmm…madali nga ba? Sige nga, ilang ang bilang mo?
Magandang araw ng Litratong Pinoy sa inyong lahat!
LP 173: Matamis or sweet
Oct 27th
I know, I know. I’ve been away for far too long from L.P. but I’ve my reasons. I needed to gather myself together from all that’s happened to me and my family. 3 deaths in as span of 11 months. But after the rains comes a rainbow right? And it’s a marvelous sight when it does appear.
I missed L.P.! Sorry for my absence, if only I had a choice.
Matamis (sweet). I chose this rambutan photo over a candy photo I had in my stock files.
Hindi ako naglalagay ng asukal sa kape ko. Weird ang lasa nito para sa akin. Hindi ako naglalagay ng asukal sa tsa-a (tea) ko dahil weird din ang lasa nito para sa akin. Sa tsokolate naman ay ayaw ko ng masyadong matamis, mas gusto ko yung bitter or dark chocolates.
Sa prutas? hindi ako mahilig sa maasim o mapakla. Kapag bumibili ako ng prutas na hindi pa hinog ay hinihintay ko talaga sila mahinog bago ko ma-enjoy. Rambutan ay isa sa paborito kong prutas! Masarap na, enjoy pa kainin
Si Gizmo sa liwasan (LP 151)
May 25th
Ang sarap maglakad talaga sa mga liwasan dito sa aking lugar. Mayroong 3 liwasang malapit sa aming bahay kaya hindi problema kung saan maglalakad kapag kinakailangang magpahangin o makipaglaro sa aming aso. Nagdadala kami ng bola para sa kanya para naman hindi sya mainggit sa ibang aso na may bola …pero minsan \ay nakakalimutan naming magbitbit ng kanyang laruan, wawa naman 
Subalit ang nakikita ninyo sa larawan ay hindi ang aming aso. isa sya sa maraming naggagandahang aso na sa tuwina ay nakikita sa mga parke. Tinanong ko ang may-ari kung nao ang kanyang pangalan. GIZMO.
I-click mo ang larawan para ito ay lumaki, masdan mo amigi ang kanyang mukha. GIZMO.
Magandang araw ng Litratong Pinoy, mga kasama!
Pinaka POGIng PUG sa buong mundo! (LP 150: alagang hayop)
May 18th
* after I groomed him I’ve decided to take the chance for this week’s LP challenge. this was a quick shot…all I had on my camera was my macro lens plus there was no room for me to move..otherwise he’d become impatient and would walk away. he’s told me he’ll give me just a few seconds to compose..so there*
I would glady do this theme every week! Lol!
Alagang hayop (pet)
Sa susunod na buwan ay birthday nya, June 10 to be exact. Magiging 7 taong gulang na sya. Hindi ko maituturing na ‘pet’ lang si Charlie dahil para sa akin, isa syang maliit na tao na mukhang aso Kakaiba ang pagmamahal ng aso. LAHAT ibinibigay nya sa tao. Lahat ng pagmamahal nya, walang labis, walang kulang. Maaring ang iba sa inyo ay hindi ito mauunawaan lalo na kung ang aso ninyo ay nakakadena o nakahawla. Ang mga nabanggit ko ang matataguriang pet. Si Charlie ay parte ng aming pamilya. Malaya sya sa aming buong kabahayan. Dahil sa lagi syang nililinis (at sya mismo ay ayaw ng marumi sya) kaya mula ng maliit pa lang syang tuta ay pinabayaan na namin syang maglagi sa loob ng bahay. Hindi sya dumudumi o umiihi sa loob kundi sa labas lamang. Sanay na sya na hinuhugasan ang kanyang mga paa matapos syang mamasyal sa labas. Wala din syang sinisira na kasangkapan kaya nagagawa namin syang iwan ng ilang oras kung kinakailangan. Uupo lamang sya sa unang baytang ng hagdanan upang doon kami ay hintayin.
Kagaya ng isang bata, tampok sya ng usapan naming mag-asawa sa araw-araw na lamang. Hindi kami nagsasawa pag usapan ang mga bagay na ipinapakita at ipinapadama niya sa amin.
Madami akong gusto ikwento tungkol sa kanya kaya lang baka ma bored lang kayo. Ang tanging masasabi ko lang ay sana pakamamahalin nyo ang inyong mga alagang hayop. Kagaya natin, nakakaramdam sila ng lungkot, saya, takot, pagmamahal. Likha sila ng Diyos ng kailangan din nating irespeto.
Maligayang araw ng Litratong Pinoy sa inyong lahat!
Choo choo choo choo……woot woot!! (LP 149 Makina)
May 11th
Join us at Litratong Pinoy .Com
Makalumang makina. Mahigit-kumulang ay 70 taon na. Bago ang ikadalawang pandaigdig na digmaan (WW2) nang ang mga steam locomotives dito sa Europa ay naging laganap. More >
Recent Comments